2019-04-15 14:16
大家返娘家會點嘆?
我就鍾意揭下D舊相簿~
爸媽行山影低好多相,
近年仲帶埋姪仔一齊行,
好似細個帶住我地去行山咁, 好懷念~
見阿媽成日行山都擔遮好唔方便,
於是就趁今次Brother比賽車返頂漁夫帽俾佢,
咁就可以輕裝出門了~
當然要用阿媽至愛既大紅花布啦~
行山出一身汗,
就用呢條吸汗既二重紗汗巾即刻抹汗,
咁就爽哂了~
Brother衣車好多野玩,
我用其中一種特別線步做壓線,
令佢平凡中帶點不平凡!
為免論盡既阿媽拎漏野,
我整埋個索繩袋俾呢兩件行山之寶呀~
有冇留意呢幾件野既反面係美艷既紫色系碎花?
每件野都可雙面用,
阿媽今次仲唔讚我精明?!
而個招牌襟章係每一筆都不同既”媽”字,
為免太高張阿媽會害羞,
特意選用較低調既近色~
你留意到嗎?
